【逆權運動】撐警女兒割席 7旬婆婆攜「藏頭詩」斥林鄭胡為致無寧日
蘋果日報 2019/09/22 14:06
沙田新城市廣場連城廣場
有網民再於今日（22日）在沙田新城市廣場及連城廣場發起「和你shop」行動，呼籲參與人士到場靜坐或「Window Shopping」等，以消費者力量向港鐵旗下商場及財團施壓。有與女兒立場不同的婆婆帶同書法文宣到場，斥責林鄭是社會撕裂始作俑者。
70多歲的關婆婆帶同自己的書法文宣「藏頭詩」到場，每句頭一字併成「林鄭若不下台 香港永無寧日」，她指女兒打政府工，十分撐警，立場與自己南轅北轍，曾多次因而吵架，批評林鄭是社會撕裂始作俑者，「最不滿警察武力鎮壓，睇新聞講佢（林鄭）定中央，想打到冇人唔敢出嚟……佢其實擺晒班防暴上枱送死，所以佢哋係好笨」。
婆婆又指因女兒支持警察，自己站出來精神壓力也很大，「我都想跳樓，但我跳冇價值。」對於本周林鄭的社區對話，她認為不會有用，只是做show敷衍市民「如果佢係會順應民意就唔會搞成咁」。
法律系2年級大學生Steven（化名）指，港鐵在反送中運動中多次接送防暴警員、讓警員進入旗下商場及拒交太子站CCTV，認為市民必須罷搭罷買抗議，「我住馬鞍山都係搭巴士嚟，我覺得罷搭係可以做到」。
Steven又指林鄭至今只回應了1個訴求，對本周社區對話無期望，他會繼續抗爭直至落實真普選，並指自己未來想從事法律行業，故首先應守護香港法律。
就讀中一的梁同學不滿林鄭至今只回應了港人1個訴求，又批評港鐵任由警察走進地鐵毆打市民，「畀啲黑警入港鐵打人，其實裡面有普通市民……另外喺太子站又唔肯交CCTV，我覺得你如果清白就應該交出嚟」，他支持今日罷買罷搭活動，直言「最好跳埋閘」。
他又指，印象中過往警察工作時可以很冷靜，當下卻經常拿市民或示威者出氣，「對住佢哋係有少少驚，但為咗正義冇咩做唔出……以前嘅香港好和平，而家香港警察好似返返70年代咁可以無差別打人，我覺得香港已經變咗」。
關婆婆帶同自己的書法文宣到場，她指女兒打政府工，十分撐警，立場與自己南轅北轍，曾多次因而吵架。朱永倫攝
Steven（化名）表示會繼續抗爭直至落實真普選，並指自己未來想從事法律行業，故首先應守護香港法律。
梁同學不滿林鄭至今只回應了港人1個訴求，又批評港鐵任由警察走進地鐵毆打市民。