成日都話，時間預鬆啲點都好過做deadline fighter，李斯特城喺8月31號賣走真禾特後，先搵士砵亭中場艾迪恩施華頂替，2,200萬鎊轉會費傾掂後，再同英超賽會先入紙，申請延遲辦理手續，諗住如意算盤打得響，點知原來搞完一輪，李城比國際足協（FIFA）規定嘅截止轉會時間遲咗14秒，經過上訴後FIFA繼續企硬，唔批轉會紙畀李城。

點算好？28歲嘅艾迪恩施華已經返去葡萄牙，照顧番大緊肚嘅老婆，李城領隊莎士比亞都係唯有等消息，而且仲話擔心影響到施華下年踢世盃嘅前景。目前來講，最壞打算應該都係等到1月，施華先可以正式轉投李城披甲。