對於周永恒今日喺facebook轟ViuTV，話ViuTV《晚吹》佢有份做嘉賓嘅一集主題係《總有一隻喺左近》個節目搵佢做嘉賓時講明話題係「探討人性黑暗面」，點知到錄影先至知道改話題講「賤格」，覺得自己中咗伏，周永恒重將當日同佢聯絡個節目資料撰稿員對話公開添！

不過，ViuTV昨日回應冇跣周永恒，發言人王小姐今日回覆《蘋果》時話:「嗰個係當日寫稿初步同佢聯絡嘅主題，而佢嚟錄影之前已知道當集嘅主題為『賤格』，而另外一位嘉賓係QQ(陳莉敏)佢都好清楚。錄影之後，製作部更邀請周永恒到我哋公司睇剪輯完整嘅節目。製作組知佢發脾氣後，至知佢誤會咗呢個係哲學討論節目，但其實之前佢已清楚邊個係主持，同埋邊個係嘉賓及賤格係主題。而佢睇片後係極之滿意內容，然後答應補拍事後感想，睇片當日佢仲自動著番連戲衫，估計佢有晒準備幫我哋拍感受。」

而周永恒剛才又再係facebook到貼圖：「永遠不要為別人的無情、無禮、與無知，阻止成為最好的自己。似乎是講番今次做嘉賓後嘅感想，佢仲留言話：「Trymybest！」喎！