【本報訊】無綫電視報道反送中運動的新聞，被指偏袒警隊及政府。助理編導杰仔（化名）是第一位敢把寫有「記者醒覺 you know what to do」、「他朝君體也相同 無一倖免」的便利貼，置於新聞部門口的人。五張便利貼難成氣候，短約員工的他亦被暫停工作直至合約「壽終正寢」，是被炒的20人之一，但他對播下了爭取自由的種子感到慶幸，相信那些願意改變的人必會反思。

「無名職員都唔放過」

7.21元朗恐襲，杰仔認為必須表達對警方處理事件手法的不滿，於是翌早10時許，他獨自走到新聞部門口，貼了五張便條。除了上述兩張，其餘三張是「開槍打人唔太講，死人先安樂？feature呢？新聞操守呢？」、「不能逃避」。傳理系出身的他稱，有同事曾反映「做新聞好多掣肘」，希望藉此激勵他們，更勇敢在狹窄的空間報道最全面的事實，「當然我唔能夠感受到前線記者幾咁慘，但都會有個想法，如果全部記者做同一樣嘢，上頭係咪唔會再有能力阻止到呢﹖」

可是，五張便條貼了僅一小時，便被保安清走，一星期後，杰仔被指派到大陸協助另一節目，「份約要我做嘅節目，係唔使返大陸，佢咁講我估到係想搵個藉口唔再返公司搞事」。他說，完成內地的工作後，始終沒有機會返無綫大樓，8月26日更被通知「糧照出，假照放，總之唔使返公司，有人頂咗你個位」。

對於這種極不尋常的安排，他只有苦笑，「以前（無綫）係公開發聲至有後果，𠵱家就算係一個無名、短約嘅職員，佢都唔放過。」但杰仔說，能讓公眾知道，有人曾在沒甚言論自由的企業內爭取自由，算是做了一件好事，希望日後有更多員工願意為信念發聲。

■記者于健民