【歐超盃】網民瘋傳 費蘭尼頂波「變臉」

蘋果日報 2017/08/09 20:45

皇家馬德里曼聯歐聯費蘭尼歐洲超級盃歐洲足球

禮拜二嘅歐超盃,曼聯以1:2不敵皇家馬德,紅魔中場費蘭尼喺下半場初段後備入替,表現獲好評。不過,呢場波最多網民講費蘭尼嘅,並唔係佢踢成點,而係佢一張頂波頂到塊臉都變晒形嘅相。呢位比利時「爆炸頭」同皇馬右閘丹尼爾卡華與爭頭槌,攝影師影到費蘭尼頂波嗰一刻,見到佢合埋眼,面同嘴都扁晒,非常趣怪,喺網上好多人轉載。就連當事人費蘭尼都喺社交網站轉載張相,話多謝大家將張相喺網上分享同埋傳畀佢睇。