Marvel漫畫角色近年喺電影上百花齊放，K.O.死敵DC幾條街，而喺電視上面本來DC擁有《Flash》、《Arrow》等經典角色，都叫做有一定Fans觀眾捧場，直到Marvel同Netflix聯手出左《夜魔俠》(Daredevil)，DC又再度被屠。

《夜魔俠》係講一位盲人經過特殊經歷增強咗視覺外其他四感，長大成人後成為一位律師，日間就幫窮苦大眾由法律去抱打不平，而夜晚就化身夜魔俠去打擊罪惡，喂，點解咁熟嘅？因為大台最新劇集《踩過界》入面王浩信又係一名盲人，又係一名律師，又係靠四感查案吖嘛。

《踩過界》入面有唔少場景對於睇過Netflix《夜魔俠》嘅朋友都熟口熟面，唔單只人物設定似到十足，連其他細節例如主角屋企都似到十足十，連拍攝嘅手法同燈光都好類似，睇嚟大台真係有心進步，向美劇取經，真係難得。