又到夏天，寫真戰又掀幕喇，現年25歲嘅曹思詩（前名曹卓榣），早於05出道時被封「翻版唐詩詠」，佢將會推出《Sexy on the Beach》寫真集，大賣32B、24、33身材，佢開宗明義全本寫真賣水着同半祼，仲話自己賣點係小麥肌同蜜桃臀，仲去勻全港十大沙灘取景。

有人賣青春，有人就行熟女路線。呢位39歲失婚人妻今年再推出寫真集《Lost》，呢次佢本寫真集內容再翻炒自己失婚內情，佢會口述經歷改編創作，仲話重點係走出迷失十年實況。寫真集題材咁沉重、痛苦，真係百貨應百客。

佢係邊個？睇相認唔認得出？答案係：林雅詩。呢位熟女今日發咗幾張寫真相，背景就係家居寫真，驟眼睇，仲以為係前幾年嗰位美魔女寫真。不過呢輯相，林雅詩嘅臀部除咗應該有嘅曲線，仲見到少少摺痕，「還原度」相當高，算係相當誠實。