互聯網真係一樣偉大發明,緣份亦都係一樣好奇妙嘅事。有個來自巴西嘅女子,因為普多斯基間接做咗紅娘,識到來自德國嘅男子,仲啱啱訂咗婚。
話說上年11月,呢個叫Fernanda嘅巴西女子見到普多喺Facebookpost咗條用葡萄牙文寫嘅嘢,佢見到咁親切就留咗言。點知有個德國男人Simon見到佢張相,覺得佢好靚,所以膽粗粗add佢。Fernanda喺好奇心驅使下就接受咗個friendrequest,結果佢哋竟然一齊咗,仲啱啱訂埋婚。Fernanda因為咁就寫咗封信畀普多,話如果唔係呢個「紅娘」,佢都冇辦法識到人生最重要嘅人。