當年今日
關於我們

【藝人愛磚頭】麥包6球買荃灣工廈 「當日唔係買車位今日都無資格畀首期!」

蘋果日報 2019/06/03 16:21

麥包

【新增影片】
藝人麥長青(麥包)以約600萬元買入荃灣安泰國際中心一個單位,建築1,400方呎,呎價約4,286元。他接受訪問表示:「換貨啫!」
他稱:「自己好想靠演員搵飯食,但有時真係好艱辛。我仲係好鍾意做戲。我哋好難儲錢,幾年前有少少積蓄,因為買唔到樓,就買平啲車位。呢幾年車位都升咗,就將佢套現換貨。如果當日唔係買咗車位,今日都無資格去畀呢個首期。咁多年好多朋友幫忙,自己又唔識,帶住我行。」他補充,當年買入2個車位,每個40多萬元,早前已升至超過100萬元沽出,賺逾1倍。另外,與朋友合作投資的項目亦有少許利潤,手頭上有資金就想換貨。
今次購入的安泰國際中心單位,他稱:「見到個場靚,樓底4米高,又啱用,同埋單位租約,畀到首期已經夠供㗎啦!其實好懶嘅做法嚟㗎!哈哈。」而且項目賣方提供首年保證4年回報,計過數,支付6成首期,涉資約360萬元,「所以咪要放貨囉!」
他續稱:「持有工廈好過車位,某程度車位某一啲位置已經升到差唔多,我想換一啲將來比較啱用嘅嘢,工廈將來可以自己用返。最緊要而家有租金回報,我唔使即刻考慮用定唔用。周邊發展都亦令我覺得將來會升。」
為何買工廈不買住宅?他回應,自己與太太的名額都用去,買多個住宅單位須支付雙倍印花稅,「無咁多錢,咁買工廈,進可攻,退可守,自己用又得,租畀人又得。」事實上,麥包與太太於2015年已聯名購入一個紅磡環海‧東岸,成交價426.8萬元。
項目由資深投資者羅珠雄夥拍宏安地產(1243)合作拆售,首批14伙已經沽清,今日加推10伙,較首批加價3%至5%。
記者:陳家雄

【六四30】守住歷史 拒絕遺忘
https://hk.adai.ly/zdzKtt2RiW
empty
麥長青以約600萬元買入荃灣安泰國際中心一個建築1400方呎單位後與經紀(右)合照。
empty
項目單位設獨立廁所。
empty
荃灣安泰國際中心由資深投資者羅珠雄與宏安地產(1243)合作拆售。