【新增泰妍回韓圖片及內容】
韓國女團少女時代隊長泰妍噚晚喺菲律賓馬尼拉舉行演唱會，但喺台上卻被舞台設備撞到頭部，根據現場粉絲拍片所見，當時泰妍向台下粉絲揮手，但佢沒有留意後面正在下降嘅舞台設備，當場就撞上設備，泰妍露出痛楚表情摸摸頭部，隨後再繼續表演。

而完成演出後，泰妍就喺Instagram Story發表長文，泰妍話最後冇向大家獻上問候很抱歉，其實只係一瞬間發生（指撞頭），又要非常鎮定去面對，大家可能覺得佢冇乜嘢，但其實比任何時候都感覺到衝擊，身體和心靈都很疼痛。

泰妍指今次巡演發生很多事，自己都難以用語言表達，又指對馬尼拉粉絲特別感到抱歉。

另外，今日傍晚泰妍從馬尼拉返回韓國，見泰妍個頭未有包紮，相信應該沒有大礙，但佢就似乎心情麻麻，喺現場冇乜表情。

精選韓流，喺晒《娛果》
http://fb.com/appledailyent