【新增動新聞】

皇家馬德里喺星期日舉行嘅上場西甲作客以3:1擊敗皇家蘇斯達，連續73場比賽有波入平咗巴甲山度士嘅紀錄，原本星期三只要喺西甲快車主場贏貝迪斯，就可以打破山度士紀錄，以連續74場有入波而獨佔鰲頭。可惜皇馬今場比賽雖然有基斯坦奴朗拿度（C朗）坐完五場波監復出，但竟然冇辦法入到波，512之後緞於喺第74場比賽入唔到波，仲要補時4分鐘失波以0:1輸埋，今季三場主場踢嘅西甲聯賽都未贏過，認真失威。

皇馬上一次冇波入嘅比賽，係2016年4月26號對曼城嘅歐聯比賽，當時兩隊係賽和0:0。