天無絕人之路！

黃耀明被大陸封殺之後，下月10至15日靠自己力量再踏舞台，同人山人海戰友蔡德才合作，喺灣仔演藝劇院舉行「明曲晚唱」演唱會；雖然場館只能容納600位觀眾，但明哥卻傲氣說：「我決定做一個咁細嘅騷，因為覺得大家對音樂嘅想像好窄，覺得一定要喺最大嘅紅館做先係音樂會，我覺得大家唔好咁好大喜功！甚至今次宣傳相，本來影樓影咗，我睇相覺得麻麻哋，當時我喺三藩市，天好靚好藍，我就隨手自拍，不如用呢張，影樓畀人感覺好紅館騷，我唔想要呢啲嘢，其實創作有好多方法，唔好默守成規。」

84年明哥喺商台做DJ時，曾經主持音樂節目《明曲晚唱》，今次特登揀當年電台節目做騷名：「嗰時好流行譚詠麟、張國榮、梅艷芳，但我好鍾情西方音樂，所以播好多，當時電台話事人……唔係俞琤，佢唔係好喜歡我嘅路線，所以節目腰斬咗。今次騷我想唱好多其他人嘅歌，好似DJ介紹歌曲畀聽眾認識，就算唱自己嘅歌，都係唔大流行嘅滄海遺珠，我覺得要唱呢啲歌，就要講好多故仔，好似電台節目咁。同埋今次我唔係好似喺紅館演出，距離好遠嘅明星，今次最遠可能係第十行，冇山頂位，所以觀眾咁近，我哋之間好多互動。」

演唱會只有明哥同蔡德才兩人，冇舞蹈員冇樂隊：「試吓原來音樂可以咁玩法，點解係蔡德才呢？因為今次唔唱達明一派歌，發覺自己唱得最多就係蔡德才嘅歌。當年因為《石頭記》唱片，我加入進念二十面體，90年達明一派做第一次紅館演唱會，需要好多音樂人，嗰時我識咗啱啱加入進念嘅蔡德才，佢好喜歡達明一派嘅歌，我問佢有冇興趣做樂隊成員，所以我同佢淵源其實好遠。」

91年達明一派第一次分開，明哥開始個人唱片生涯，同蔡德才緊密合作：「我問佢：『我一個人出嚟，以後冇劉以達幫手，你會唔會幫我搞solo唱片？』佢話好，其實佢嗰時仲喺港大讀書，一邊返學一邊幫我做第一張個人大碟《信望愛》，所以今次演唱會由《信望愛》到o依家26年嘅歌揀出嚟。」兩人曾合作寫《春光乍洩》，明哥卻說：「呢隻就唔會唱，哈哈哈，你哋聽過好多次啦，主要唱冷門嗰啲，到時睇大家反應，如果好加首《春光乍洩》。」

明哥和蔡德才合作寫嘅《春光乍洩》、電影《香港仔》主題曲《目的地》都攞好多獎，呢兩首歌對佢哋特別有意義：「當然《春》呢首歌好重要，我頭兩張個人大碟，比起達明一派，冇帶畀我更大迴響，但《春》幫我吸引到更多嘅人對黃耀明有興趣，亦奠定我某啲歌曲路線；而《香港仔》主題曲喺2014年佔中之前出版，嗰時蘊釀緊香港喺好奇怪氛圍之下，有好多事有好多阻滯，自己好鍾意呢首歌，雖然冇大流行，但好開心得到獎，原來都有人欣賞。」

問到今次開騷搵唔搵到贊助？明哥坦言：「冇搵過，一來諗過呢個係細規模演唱會，自己都搞得掂，另外覺得o依家好多門真係閂咗，唔好嘥咁多力，如果自己仲可以做到，做咗先。經過佔領運動之後，所謂有人封殺咗我哋之後，有啲嘢可以自己做，唔一定要靠人。」

攝影：陳慧安
攝錄：廖達燊
化妝：Vanessa Wong

精選娛聞，喺晒《娛果》
http://fb.com/appledailyent
【我們的演唱會（1）】72歲葉振棠潮玩電動車航拍 盼搬上紅館舞台
http://bit.ly/2wJxhIp
【我們的演唱會（2）】江若琳露腰開騷 許志安救一命？
http://bit.ly/2gmzKOA
【我們的演唱會（3）】劉美君遇難越興奮：要用腦去諗嘢
http://bit.ly/2z9KSpK
【我們的演唱會（4）】小背心李彩華開騷怕狂喊 想榮休搵人嫁
http://bit.ly/2kRQjqX
【我們的演唱會（5）】at17嗌交：唔了解對方付出 唔妥講出口
http://bit.ly/2wYuaJb
【我們的演唱會（6）】25年後重遊《大時代》舊居 周慧敏最愛「慳妹」
http://bit.ly/2lgCDq3
【我們的演唱會（7）】湯寶如剷短髮爆喊 唔係想做王菲憶蓮就得
http://bit.ly/2lezu9Y
【我們的演唱會8】盧巧音與夫齊患情緒病 遺撼《好心分手》後懶散十年
http://bit.ly/2A9dPUu
【我們的演唱會9】陳柏宇紅館騷寫明要露波？唔Like但Hit嘅歌係…
http://bit.ly/2jTNx4G
【我們的演唱會（10）】吳浩康做錯嘢被前經理人侮辱 Fans撐上台
http://bit.ly/2APlvvr
【我們的演唱會（11）】衛蘭「諗」住攞女歌手？ 跳出舒適區挑戰...
http://bit.ly/2AinPKg
【我們的演唱會（12）】堅持靠自己 JW慶幸及時遇到新東家
http://bit.ly/2BikJtx
【我們的演唱會（13）】戰場求生記 Shine自爆小學雞嗌交事件
http://bit.ly/2CM27R8
【我們的演唱會（14）】「舞王修」86歲照開騷 胡楓踩入紅館破記錄
http://bit.ly/2CyvF7K
【我們的演唱會(15)】事隔30年再開作品演唱會 黎小田曾搵關正傑出山
http://bit.ly/2CQMzuB
【我們的演唱會(16)】請《皆大歡喜》做紅館騷嘉賓？ 趙學而唯獨唔提梅小惠
https://bit.ly/2Gat0iF
【我們的演唱會(17)】單親媽媽黎瑞恩再踏紅館：人生低谷乜都過晒
https://bit.ly/2pC88cM