當年今日
關於我們

魚缸暴炒族:山東墨龍吼位短炒 - 方星俠

蘋果日報 2009/02/25 00:00


曾經在股海長升難跌的宏利金融(945),近日受發新股傳聞拖累,連日遭大舉拋售,昨日除息,股價大插12.78元,收報92.70元,家陣港股已再無「紅底股」。至於宏利幾時可以撈底?睇走勢似乎言之尚早。
港股失守13000點,市場氣氛認真麻麻,同老友傾開,他感嘆目前入市要沽空才搵到食。星俠一向甚少參與這種「向下炒」行動,所以見個市唔就,大部份時間睇多過做,見到心水股就小注怡情,唔對路就即撇。
失守0.48元止蝕
受惠業績「靚仔」刺激,山東墨龍(568)上周裂口急升至0.66元。墨龍去年純利增加53%至3.06億元人民幣。股價昨跌至20日線水平0.53元後反彈,以0.56元平收。近日市場曾傳墨龍計劃配股,但管理層否認,澄清目前並無配股計劃。
該股唞完氣後,短線炒上落或者有得諗,現價入市,短炒目標0.70元,失守0.48元止蝕。
方星俠
empty