晚上十時的長沙灣，並未有熙來攘往。
食肆都開始關門，行人正準備歸家。
惟獨佇於轉角的一家老飯店，依舊亮着白燈。
舊式三葉風扇緩緩轉動，襯托着刻有「洪慶海鮮飯店」的黑金招牌。

隨着廚子把一籠又一籠的點心從廚房搬出，輕煙裊裊升往晚空，宣告「夜茶」正式開始。微風細雨的夜下，停泊了數列的士。司機熟練地步進店內，點一壺普洱後，就跑到門外點叫籠子裏的點心。
老闆「三哥」邊走到門外，邊介紹着：「我哋啲點心全部都即日新鮮製造，一件雪藏嘅都冇。」前鋪後廚房的設計下，點心師傅其實埋頭於暗處，做出一份又一份手作點心。
只見小店門外分了各個點餐部門，左邊是即叫即拉的腸粉，新鮮的豬膶餡最受歡迎；中間是幾十籠疊起了的點心、蒸飯；轉角有每夜新鮮送來的蔬菜，即叫即煮；旁邊放滿了鮮肉、內臟及海鮮，好讓客人選材料煮生滾粥。客人喜歡跑到店外挑選自己愛吃的，再高高興興拿回店內座位進食，彷彿這樣才有氣氛。

幾杯過後，三哥為茶客送上點心蒸飯，每枱都閒聊上數句。畢竟是數十年的老顧客，香港如今有夜茶提供的食肆，少之又少，他解釋：「酒樓開嘅話開支太大，做夜茶皮費好重，請個人都貴啲啦！」他們的優勢是白天賣燒味﹑小菜﹑碟頭飯；到晚上十時方才賣點心，又能用上自家燒味，及當天的食材，加上多年累積下來的客源，才能做得住。「以前西環個邊都有間，但執咗啦！冇做過嘅好少會做夜茶，因為要守好長時間先儲到客，又賺唔到大錢，有冇人踏出呢一步呢？」
既然只是小利頭生意，今年六十有幾的三哥晚晚通宵，如此賣命必有因。此時，他正倚在牆邊，跟數名的士司機打着哈哈，其中一名大哥揚聲：「要我哋食西式嘢，飲咖啡奶茶，我哋唔鍾意！寧願去食碗雲吞麵算。」旁邊的四眼哥哥接着道：「茶記邊有咁嘅地方畀我哋聚腳？」三哥聽着，會心一笑，一切盡在不言中。

採訪：黃寶琳
攝影：陳秉謙
剪接：杜日生

洪慶海鮮燒臘飯店
地址：長沙灣青山道303號 (近發祥街)
電話：2729 0039
營業時間：廿四小時營業

你都去過呢間食店？即上 https://goo.gl/co59CD留低你嘅食評！
想知最快最新飲食資訊？即like《飲食男女》Facebook！
http://www.facebook.com/eatandtravel

《飲食男女》網站：
http://etw.hk