【新增影片】
禮拜日有場巴西甲組足球聯賽，由高士路喺主場鬥巴希亞。皇家馬德里嘅巴西中場盧卡斯施華繼2015/16球季畀人借咗去馬賽之後，今季又被外借去巴甲嘅高士路。以為佢見過下大場面會醒目啲喇，點知都係差唔多。

話說呢位24歲中場喺禮拜一場波後備上陣，喺76分鐘先至入替，點知只係踢咗八分鐘，喺84分鐘就因為從後飛剷對手，即刻食咗面紅牌，提早返入更衣室沖涼。好在球隊憑里奧喺63分鐘嘅入波贏1:0，如果唔係都唔知講咩好咯！