日本男星藤木直人正展開巡迴騷，喺上月完成日本站之後，今個月佢就會唱到嚟香港同台灣，香港一站定於本月15日假麥花臣場館演出。

藤木直人已經喺上個月完成神奈川橫濱嘅尾場演出，今次佢喺日本共走遍12個地方唱足15場。尾場騷當日，雖然颱風來襲，約500fans冒風雨早兩小時已排隊入場。當日藤木直人演唱咗包括今年7月推出嘅第16張單曲《Speed★Star》 及《EXCLUSIVE》等20首作品，演出期間佢更換咗多支結他，又同fans大談拍電視及電影嘅經歷，佢提到:「9年前拍攝富士劇《童顏刑事》就是來這裡橫濱Bay Hall取景！」當尾段唱到《Time Travel》一曲時，全場fans仲同佢一齊轉毛巾， 場面熱鬧！

尾場騷吸引咗來自香港，台灣及北京嘅fans，藤木直人現場同三地fans打招呼，而喺1999年首次出碟嘅佢，更希望能夠喺當歌手出道20周年時再舉行一次華麗巡廻演唱會。

更多娛聞，喺晒《娛果》
http://fb.com/appledailyent