吳岱融今日以歌手身份到商台宣傳新歌《風大浪大》，今次完成心願，相隔二十幾年推出專輯。幾年前跟一位朋友傾談合作出專輯，佢話：「去到我呢個年紀五十幾歲，唔好再唱情歌，所以呢兩三年都諗緊有咩歌啱我唱，例如其中一首歌就係唱出，呢十幾二十年因為追求理想而忽略咗太太，嚟緊應該要抽多啲時間陪佢。」

另一首講友情嘅歌《我的朋友不簡單》，更搵嚟歐陽震華、陶大宇、張兆輝同郭政鴻等好友合唱，吳岱融話：「當年大家一齊為工作拼搏，之後我離開咗一香港一段好長嘅時間少聯絡，但係今次我太太一個電話打畀佢哋，佢哋就完全唔收錢，一齊錄音同拍MV，我真係要好多謝佢哋。」佢覺得每個年齡階段都可以唱適合自己閱歷嘅歌，將當刻心態唱出令大家更有共鳴。

精選娛聞，喺晒《娛果》
http://fb.com/appledailyent