蕭定一旗下hmv日前宣佈清盤，蕭定一話對全線結業嘅決定感到非常可惜，往後hmv嘅影音品牌將轉移全力經營網上點播平台hmvod(新聞連結： https://bit.ly/2UQwdeJ )。其後謝安琪（Kay）出席活動，被問老公張繼聰為蕭定一旗下藝人，未知有否受事件影響？阿Kay話 ：「以我所知佢係電影部份，唔直接有關連，但詳情都要問番佢。」(新聞連結： https://bit.ly/2CBLU2o )

今日有周刊報道，雖然蕭定一表示唔會影響藝人管理及製作等業務，不過喺前景唔明朗嘅情況下，藝人為求自保都要諗定後路，有知情人士話張繼聰要求和平解約，除咗周圍搵啲導演傾吓偈之外，仲搵阿Kay搭路埋Juno堆。

《蘋果》分別向阿聰同Juno了解，阿聰話：「冇啲咁嘅事，o依家工作好忙，對目前嘅工作亦十分滿意。」Juno亦都話：「胡亂猜測，沒有聽說過這件事，所以不回應了。」至於會唔會向Kay了解事件？佢就話：「我們平日與Kay的溝通都係工作上的事，所以沒有討論過這些事，其他不回應了，謝謝。」

精選娛聞，喺晒《娛果》
http://fb.com/appledailyent