當年今日
關於我們

【短片】【唔可以一棒打死吸毒藝人】大陸禁毒辦官員:如符合規定可以演出!

蘋果日報 2016/06/26 06:00

蘋果香港房祖名柯震東孫興《舞櫻》

柯震東同房祖名因為吸毒俾內地封殺接近兩年,有傳話8月正式解禁,所以內地有製作公司一早收到風,第一時間搵咗柯震東演出劇集《舞櫻》,現時佢正喺橫店開工。

日前內地禁毒辦副主任、公安部禁毒情報技術中心副主任蘭衛紅喺接受中新網視頻訪問時,講到唔可以一棒打死吸毒藝人:「我們現在是法治社會,對於文藝吸毒人員的懲戒有專門規定,包括新聞出版廣電和文化部門他們也有規定,如果藝人符合規定,他就可以出來演出。」呢個講法好明顯係對吸毒藝人開綠燈。

2011年喺北京因吸毒被行政拘留嘅孫興,釋放後佢一個人去咗海南三亞,租咗一間小屋,喺裏面住了個幾月,每日就係健身和面壁,一日三餐只食泡麵。聽住音樂、望下大海,好好反省。

日前佢到咗北京天康戒毒康復所,作為志願者,向現場正在戒毒嘅人同學生們,講述自己吸毒戒毒嘅經歷。孫興話:「人就像一部手機一樣,偶然間會死機,死機之後再開機才會去想像未來。以前因為朋友多、好面子,慢慢接觸到了毒品。冰毒、K粉、大麻基本上都碰過,現在戒毒後,每天都在告誡自己不能再碰毒品。」