武漢肺炎 疫情 肆虐全球，多國已實施封關措施，馬來西亞自上月中開始「鎖國」禁止外國人入境，同時禁止國民出境，措施延至本月中，正身在大馬的樂隊RubberBand隊長馮庭正〈阿正〉與老婆尚羚〈Sherine，原名黃淑玲〉亦被鎖馬國。

阿正太太Sherine是馬來西亞環球小姐冠軍，嫁畀億萬太子爺阿正後，已嫁雞隨雞，留在 香港 發展，Sherine於2014年出道做歌手，找農夫的唱片公司老闆DJ Tommy做經理人。最近受疫情影響，阿正與Sherine早在2月底到大馬演出兼探望家人，誰知政府宣佈封關，加上不准市民聚集，他們只好在大馬家中「閉關」。

Sherine接受訪問時說：「好掛住香港，希望月中可以運作正常返，有航班返到嚟香港，馬來西亞防疫措施好嚴格，唔可以聚集，每次只可以一個人出去買日用品，航班同公共交通都暫停。我同老公喺2月底嚟到做演出，之後政府宣佈封鎖，而家出面就如死城。」

她主要在家中跟阿正煮飯仔、做音樂、看書與煲劇，而今次疫情卻令Sherine增進母女情，她說：「上月28號係我嘅生日，媽咪話我已經有15年冇同我慶祝，因為餐廳都冇開，媽咪煮咗一餐好美味嘅晚餐，我哋3個人一齊食飯，仲打3人麻雀，好開心！其實我已經搬離咗馬來西亞好多年，今年喺呢度同媽咪過生日，覺得特別有意思，我會趁住呢段時間同媽咪傾多啲偈，珍惜大家相處嘅時光。」Sherine更謂之前每逢生日會到外地慶祝，如今疫情緊張，她跟阿正也乖乖待在家中，阿正每朝會為她煮早餐，照顧周到，相當溫馨。