「去天水圍有咩要注意？有啲咩要準備？」自從天水圍接連發生倫常慘劇後，這個地方便成為市民眼中的「問題社區」，既有以她命名的歌曲《天水圍城》，也有《天水圍12師奶》的書本出版，而準備到天水圍一趟的網友啤啡則誠惶誠恐，擔心前往「經常發生傷人事件」的天水圍會有危險，因而投石問路，希望網友指點迷津。

沒料到網友竟然叫他「記住買旅遊保險」，也有不滿的網友叫他準備「身後事」。
網友「終點」首先勸啤啡要事先查閱天水圍的交通狀況，然後貼出一張照片，強調到天水圍去是一件惡搞的事情，並把照片中荷槍實彈在伊拉克街頭巡邏的美軍，說成是天水圍的街童，又將有坦克在路面行走的照片說成是天水圍的路面情況，最後還危言聳聽地說：「上次同個朋友去天水圍，幾驚出唔番嚟呀。」

「帶刀仔同氣槍」

網友阿田接口更妖魔化天水圍，「盡可能帶多幾個朋友去，唔好自己一個去；記得帶電話，有事可以求救，冇事可以報平安；最好就梗係同當地嘅居民保持良好關係啦。」重返人間也提供「意見」稱：「每次去天水圍，我都帶一把細刀仔同一支改裝過嘅氣槍。」
大前研一澄清說：「我女朋友都住天水圍，但佢話嗰度都ok，情況唔係太壞。」有網友反駁指出「如果佢講真話，仲使望你入去搵佢？」雞眼有感而發說：「我都係住天水圍，睇完都忍唔住笑。個個講到入天水圍好似慘過打仗。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]