Lisa S.喺2000年來港發展，當年同佢同輩同級嗰啲，幾乎都係混血兒。好似樂基兒（Gaile），啱啱宣佈將於8月再婚（新聞連結： http://bit.ly/2t5UVsR ），佢係中越混血兒，曾有「翻版舒淇」之稱，不過只係得個樣係「翻版」，身材……但佢去到2005年，承認自己曾隆胸，由32A激升到34C。後來Gaile同黎明婚後減少曝光，至2012年兩年分道揚鑣。

嗰一代嘅另一位人氣混血名模，就係有愛爾蘭、中國及馬來西亞血統嘅Danielle Graham，當年Danielle喺澳洲求學時被星探發掘來港發展，憑其外貌迅速走紅，更有「翻版關之琳」之稱。Danielle喺09年回復單身，近年更復出幕前工作，並照顧一對年幼嘅仔女。

另一位同樣經歷失婚嘅同代模特兒，仲有Amanda S.，擁有法國同台灣血統嘅佢，曾留學美國波士頓，其後喺香港被發掘同擔正化妝品廣告女主角。Amanda S.曾擔任郭富城MV女主角，隨後同對方傳緋聞。Amanda S.於2011年在羅馬嫁畀意大利籍丈夫Christian Cappelli，兩人於2014年結束近3年嘅婚姻。

至於擁有西班牙及韓國血統嘅Ana R.，亦係喺2000年來港發展，曾獲選為雜誌嘅十大名模之一。Ana R.最為人熟悉嘅係佢同周立璟嘅一段情，離離合合後始終未能開花結果，最終於2013年嫁畀英籍男友Brad。