昨日數以萬計示威人士圍金鐘，力阻《逃犯條例》修訂進行二讀，最終被警察以武力鎮壓，導致最少72人受傷，事件傷透很多香港人的心！日前被網民質疑「河蟹」六四30紀念歌《回憶有罪》的商台，今日由森美、小儀主持的叱咤903節目《早霸王》內容調動，讀出市民的聲音並為香港點歌。

身為特首的林鄭月娥，在電視訪問上聲稱「作為母親唔能夠滿足年輕人任性嘅要求」，同樣作為人父的DJ森美，在節目上希望「父母」可以反省：「今日節目有少少調動，唔會有往常環節，取而代之有少少安排，希望揀屬於你哋希望點畀香港嘅歌曲，呢段時間好多人有唔同疑問，大家有各自諗法，聽眾都有想講嘅說話，過去一段日子，有時都會掙扎，自己作為父母都會諗，究竟點樣做一個父母，教好仔女？有時我都問自己，有冇做得唔好，如果做得唔好，都希望有辧法補過，但都覺得做父母嘅，要多啲反省自己有冇做得唔好！」

拍檔小儀表示：「我想講自己切身感受嘅恐怖，喺6月10日晚凌晨，我半夜喺灣仔道，一個診所上聽到樓下好大聲叫囂，嗰個聲係令我驚嘅，原本我應該返屋企，後來我走嘅時候，喺街道上面，我係感受到大家嘅慌張，令我覺得好陌生，平時平安嘅感覺冇咗。」

節目完後，森美接受《蘋果》電話訪問表示：「我嘅節目平時玩遊戲比較開心，但經過噚日之後，我諗香港同聽眾都冇乜心情再玩，所以畀兩個鐘頭時間聽眾點歌畀香港，將佢哋想講嘅說話寄予喺歌上面同大家分享。噚日嘅事，我感覺同所有香港人一樣，好痛心，同時有份激動嚟自香港人捍衛自己地方嘅堅持，寄語香港年輕人繼續努力，最緊要以和平方法爭取。」

【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9