張惠妹（阿妹）噚晚喺台北小巨蛋舉行巡迴演唱會，阿妹一向力挺同志平權，係好多同志嘅偶像，而噚晚阿妹更喺會場佈置一幅巨大彩虹紗旗，今晚何韻詩就帶同緋聞女友鄧九雲一齊到場，阿詩仲話多謝阿妹多年來支持同志平權。

其實呢幾日阿詩係去咗台灣開騷，咁啱明哥黃耀明同樣喺台灣，又撞正阿妹開騷，開工之餘又可以睇騷，真係一舉兩得。