童愛玲今日喺圓方舉辦新書發佈會，囝囝同老公都有撐場，不過老公就怕醜，所以未有現身影相。

童愛玲新書詳述佢嘅幸福家庭生活，點樣相夫教子，佢話：「我俾咗60%我個仔，60%我老公，成個家要我用百二分力，我覺得就算有小朋友，都唔可以忽略個老公，同埋我係個超級管家婆，我老公著咩衫，每日食咩，都係我管，所以佢有咩都打電話給我。」