林俊傑（JJ）噚晚喺紅館舉行演唱會，前年首度來港開騷嘅JJ，事隔兩年再踏上紅館，並先後換咗六個造型。

JJ仲好識做，頻以廣東話冧歌迷，佢自爆廣東話係母親所教，又搞笑謂有啲熱，之後除去外套，歌迷當然尖叫啦，佢以普通話表示：「上次（演唱會）脫太多。」有歌迷呻錯過冇睇到，要求佢再脫，JJ回答：「上次沒看到就對不起。」

另外，JJ喺演唱會盡展音樂才華，喺嗰唱用結他自彈自唱，此外，佢又與性感女舞蹈員有火辣舞步，但只係攬腰及摸大髀，點到即止。

為冧歌迷，JJ向台下女歌迷表示：「我嘅老婆喺邊？」歌迷們紛紛和應，佢又話早前來港吃甜品，被歌迷認出拍照，相片貼到Instagram，因為當時與JJ同行嘅，仲有鄧紫棋，因而傳出緋聞，難怪JJ事後遭林媽媽追問拍拖。