模特兒出身、07年闖樂壇的Oscar（蕭潤邦），演藝事業發展平平，卻一招絕地翻身，見轉投飲食界，2010年於旺角開「正宗上海生煎皇」、「立食上海菜」，吸納了不少年輕客路。依家嘅Oscar，有六間生煎包舖同兩間西餐廳。八舖之王。

行走旺角7年，自封「生煎皇」的Oscar，2014年曾接受《蘋果》副刊「果籽」訪問，在催淚彈聲中，他說他改變了想法。

2014年佔領之初，Oscar身在大阪，晚上睇住電視直播，見到啲學生哥冒住催淚彈示威。「我以前覺得佢哋冇乜責任心，又冇乜目標，但今次事件令我改觀，我覺得佢哋終於覺醒，我做前輩嘅，一定要為佢哋做啲嘢！」

翌日Oscar就趕返香港，開舖發起送生煎包行動。做完生意，就發動員工參與，將剩下的麵粉肉餡，搓成生煎包，自己執鏟煎。一呼百應。員工自發留下幫手，清潔阿嬸都協助收集紙皮箱，然後兵分三路去派。由深夜11點一直送到凌晨3點，總共送了千幾隻生煎包，三百幾杯豆漿。

Oscar於訪問中說：「我唔係搞社運，我只係想畀學生知道，佢哋咁做係有人支持！」

原文：
《情義從來　出MK》
http://bit.ly/2pHTrYb