正所謂「醜婦終須見家翁」，在娛圈工作食得鹹魚抵得渴，今年4月被爆「安心偷食」後，黃心穎避走外地，潛水8個月後，今早7點幾步出香港機場禁區，一見在場半百傳媒守候，心穎即強忍淚水，企定定讓傳媒拍照，亦大方接受訪問，明顯見到心穎身形比以前瘦削。

化上淡妝、神色憔悴的心穎接受訪問時說：「大家好，好耐冇見，（邊喊邊説）我好開心，因為我終於返到屋企，我好想趁呢個機會去多謝啲人，好多朋友、好好嘅同事，尤其係我屋企人，辛苦晒佢哋，甚至乎有啲唔係好識嘅人，佢哋都會send message同留言，去畀咗好多力量我今日企喺度。」

心穎已忍不住爆喊，用手抹眼淚，她續說：「喺過去都差唔多8個月，真係好努力咁生活，雖然都聽到外間有好多猜測，但係我都只不過係好努力去生活。I made a mistake, And I try really hard to live with it, to learn from it. 但係同時我都覺得要move on，我都想繼續向前行，向前望。」

心穎又解釋：「首先我冇改名，亦都冇轉行，（有冇去進修？）都係好努力生活。」被問目前經濟上是否出問題，她說：「喺呢件事發生之後，有好多傳聞，我唔再回答喇。」是否今次回無綫拍劇？她坦言：「工作上嘅嘢冇聽過，（有傳你有層樓冇供要被收？）樓嗰啲已經完成咗。」今次逗留幾耐？她亦未有正面回應：「要見咗屋企人先，sorry！」

傳媒曾聯絡馬國明，問到他是否得知心穎返港消息？馬國明回覆表示：「無回應，謝謝。」

採訪：黃曉妍
攝影：黃曉程、朱志聰、林賓尼
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇