300多呎餅店,是附近街坊、學生聚腳地,「買完麵包,佢哋得閒會傾多兩句,打吓牙骹。」感情一點一滴累積,與街坊變成朋友,「有啲由細睇到佢大,睇住佢細個揹住個書包幫我買麵包,結咗婚、搬走咗就拖住小朋友返嚟幫襯。」
西九龍一帶多年來大興土木,繼柯士甸站、再有高鐵西九龍站,不少業主看好旅客會帶來商機,「由起柯士甸站開通前已經炒到飛起(加租),(部份業主)咪係咁加價,有啲加成倍、有啲加百分之五十,好多(租客)被加得太厲害都唔做, 𠵱家都冇乜幾間剩低,大部份都因為加租走咗。𠵱家都有好多吉舖,有啲空咗年幾兩年。」
餅店幸好遇上良心業主,「啱啱續租業主冇乜點加租,(良心業主)𠵱家都好難搵」。他又稱,高鐵西九龍站通車後,文蔚街一帶人流沒有增加,「(旅客)去都去咗尖沙嘴、寶靈街、佐敦道……嚟唔到呢度,因為呢度冇商場,啲人唔會嚟呢度買嘢。」
他又稱,該處「多咗一、兩間藥房,我諗大部份人都係睇好(高鐵通車),但冇諗過係冇人流。」
■記者譚靜雯