全球暖化，北極圈冰川加速融化，觀賞壯麗冰川熱點美國阿拉斯加近年大受遊客歡迎，郵輪package好多時絕早爆滿。
小妹有個移民咗澳洲嘅朋友黃生黃太最近買咗個package，坐郵輪暢遊阿拉斯加。佢哋同小妹約好喺溫哥華一齊搭郵輪。

美國移民局刁難遊客

黃生夫婦二人先由澳洲出發去美國西雅圖，順利入境，玩完洛磯山之後，再經溫哥華郵輪碼頭上船遭受美國移民局無理刁難。移民局職員話黃生嘅簽證有問題，佢哋同移民局仲指係西雅圖移民局冇執正做有問題。
搞兩搞郵輪已經開走咗，兩夫婦一肚火，想話取消行程，但要攞番放咗喺郵輪嘅行李，亦要幾百蚊美金運費。於是乎，夫婦使多千幾美金，買機票、訂酒店，兩日後join番架郵輪，㷫到北極冰川都融化。
小妹亦唔好得好多，因小妹護照上有個之前攞咗嘅美國工作簽證，諗住今次郵輪旅行，寫吓所見所聞，符合工作簽證要求。點知關員話唔得，要即場申請旅遊簽證，費用索價500美金，即係4,000蚊港幣，肉痛死，好彩趕得切上郵輪。後來聽郵輪公司職員講，溫哥華郵輪碼頭嘅美國移民局出名成日刁難遊客，藉詞簽證問題收手續費，郁下幾百美金，年終唔少人被劏。

電郵：mailto:[email protected]