【本報訊】上年曾揚言「下次一定要攞冠軍」的高德光，昨終吐氣揚眉，打敗其餘18名參賽者，包括今年雙料「金茶王」冠軍得主周漢文，勇奪「金鴛鴦大賽」冠軍寶座，他坦言公佈結果時非常緊張，「好驚自己又拎第二」！
高德光2011年獲得「香港金茶王」亞軍、去年又獲「香港金茶王」及「金鴛鴦大賽」亞軍，今年終於打破宿命，榮膺冠軍。他直言要沖得一杯好鴛鴦，最重要是「執着」，「所有茶，經我出品嘅話都一定要好，所以我好執着，即使三年都係攞亞軍都好，今年都一定要參加！」

雙料金茶王初賽落選

43歲的高德光入行廿年，擁有15年水吧經驗，憶述自己最初由月入1,800元的學徒做起，沒想過沖咖啡、奶茶會遇到這樣多困難，更被客人當面投訴「好難飲」，「聽師傅講就好似好簡單，撞兩撞、擺啱個位，但自己沖完飲落口好似水咁，無咗個質感。」
能夠贏18位「鴛鴦好手」，高德光指致勝的秘訣是平衡度要高，咖啡、茶及奶的比例是6:3:1，而且還要熟悉咖啡和茶的特性，連放置電爐的角度也要調校好，「幼茶沖得較快、粗茶較慢，要控制好時間，啡味唔可以蓋過茶味」。
而今年雙料「金茶王」冠軍得主周漢文於初賽落選，他笑指落敗是意料中事，「我一飲咖啡就會心跳加速，好似煮餸咁，唔試味好難沖到杯好鴛鴦。」