韓國女團KARA嘅27歲前成員具荷拉近日捲入是非，上周因涉嫌毆打27歲髮型師男友A某而要接受警方調查。A某稱遭具荷拉毆打，具荷拉就表示係雙方發生肢體衝突，二人先後到江南警署接受調查，具荷拉噚日亦現身警署，接受5個鐘嘅調查。

具荷拉噚晚離開警署時未有回答記者提問，不過事後佢向韓媒透露，表示想盡快結束跟A某嘅爭執，表示對於連日來成為新聞人物，感到非常抱歉。

具荷拉表示：「我跟男友曾經有過美好嘅日子，雖然都有爭吵及衝突，不過就好似一般情侶咁。不過因為一個小誤會，令事件鬧大，就如大家所見，我哋好似小朋友咁起爭執。跟男友起爭執，冇話邊一方有錯，我希望原諒我曾經愛過嘅人，同時都想得到寬恕。」

最後具荷拉表示，將繼續透過訪問及警方調查嚟公開真相，並再次向大眾及粉絲道歉。

相關新聞
【韓流】韓女星具荷拉疑被打致子宮出血 男友今晚接受警方調查
https://bit.ly/2QES7Qg

【韓流】具荷拉明午現身受查 男友戴口罩遮傷痕到警署
https://bit.ly/2NndsPU

【臉頸貼膠布蒲頭】具荷拉涉毆打男友 受查5個鐘後被扶上車
https://bit.ly/2xvf5QS

精選韓流，喺晒《娛果》
http://fb.com/appledailyent