台灣歌手蕭敬騰今日喺黃埔為下月尾喺紅館個唱開記招，佢話未諗到請邊個表演，不過就好期待今個月23號喺英國嗰場個唱喎。粉絲見蕭敬騰咁辛苦，即場送個肩頸按摩器畀佢。對於合作過嘅何韻詩宣佈係同志，蕭敬騰話噚日先知，認為冇乜問題，亦會支持阿詩。蕭敬騰強調自己唔會歧視，亦唔希望社會有歧視。會唔會公佈自己嘅取向？蕭敬騰笑笑口話：「我不用公佈，兩個都愛，我愛爸爸，我愛媽媽。」