韓國tvN人氣劇《奶酪陷阱》今晚會播出第13集，劇組今日就公開女主角金高恩飾演嘅洪雪最新劇照。

只見金高銀好似唔係好舒服，佢要用紙巾塞住鼻，以阻止鼻血流出咁嘅樣。而另一張照片，金高恩就倚喺牆邊，雙目緊閉，好似失去咗意識一樣。根據劇組透露：「洪雪喺今晚的劇情中會遭遇種種危機，以上劇照內容都係今晚播出嘅內容。喺之前嘅劇情交代，洪雪因遭到吳英坤（池允浩飾）嘅騷擾而吃盡唔少苦頭。喺今晚嘅一集中，金尚哲（文智允飾）將成為關鍵人物，洪雪同劉正（朴海鎮飾）亦會捲入其中，今次洪雪又會遭遇乜嘢麻煩，真係令人好奇。」

劇組相關負責人士亦都話今晚播出嘅《奶酪陷阱》，各人物之間嘅關係將刻畫得更加詳細，同時亦將會發生新嘅故事。