【新增內容及圖片】
現年47歲嘅韓國「氧氣美女」李英愛，近日雖然要忙於拍攝新片《尋找我》，不過佢亦不忘香港粉絲，聽日下午現身尖沙嘴，出席代言護膚品牌嘅宣傳活動。

今日下午愛姐就現身仁川國際機場，率先飛嚟香港作準備。化上淡妝、戴上太陽眼鏡、以一身悠閒造型現身嘅愛姐，見到傳媒時都有微笑，之後企定定畀大家影相後，愛姐就入閘準備飛嚟香港。

大約下午4時30分，愛姐喺5、6個保安嘅陪同下抵達香港機場，愛姐同行有幾個工作人員。戴住黑超嘅愛姐以淡妝示人，未知係唔係太攰關係，佢出閘時唔係好多笑容，不過見到有傳媒在場，佢都即刻揮手示好，沿途有旅客都認得佢，都有八吓愛姐大駕光臨。

更多韓流，喺晒《娛果》
http://fb.com/appledailyent