熱爆韓劇《來自星星的你》雖然已經播完好耐，但係《星星》男主角金秀賢依然好受歡迎，不過近日「都教授」竟然被迫做咗小三，仲搞到人哋家庭離婚收場，可見都教授嘅魅力認真犀利。

據噚日內地傳媒報道，話說係內地有一名33歲嘅姓張女性，佢因為睇完《星星》後太迷戀劇中金秀賢所飾演嘅都教授，搞到佢同結婚5年嘅老公日嘈夜嘈，除了日日話題離唔開講《星星》劇情同都教授外，又嫌棄老公唔似都教授咁犀利，識得超能力又夠深情，佢老公見個老婆日日掛住煲劇而唔做家務，加上日日被人嫌三嫌四，最終佢老公就頂唔順決定離婚，仲話自己年薪有20萬人仔，收入穩定都唔算好差，點知個老婆都唔嫌棄，所以決定離婚。

而《星星》女主角全智賢近日就係上海拍攝新片《暗殺》，佢早前穿得密密實實為服飾品牌拍硬照。