【Second Life】螞蟻銀行賬戶號碼的野心（杜夫人）
蘋果日報 2020/06/14 00:01
螞蟻銀行
螞蟻銀行顯示的賬戶號碼連計銀行代號（bank code），竟然長達19位數字。
眾安銀行、天星銀行已經面世，新開戶有高息優惠，可以一試。多間虛銀仍處於試業階段，夫人發現，螞蟻銀行顯示的賬戶號碼連計銀行代號（bank code），竟然長達19位數字，先唔講有乜玄機，實際上，或存在未能全面與其他銀行APP兼容的可能。
夫人早前試用螞蟻銀行APP，開戶過程大致暢順。不過，自拍驗證只得眨眼一個步驟，似乎兒戲咗啲，究竟係咪過到金管局嗰關都仲係未知數。
大家平日或者無留意，香港銀行嘅賬戶號碼一般係8位數，中銀係其中之一；滙豐、恒生就係9位數，計埋銀行代號（bank code），一般都係11或12位數，視乎銀行核心系統而定。
有趣嘅係，有別於本港嘅其他大銀行，螞蟻銀行賬戶號碼竟然由16位數字組成，模式和內地銀行睇齊，嘿，仲唔係想同大陸接軌？
夫人早前試用螞蟻銀行APP，開戶過程大致暢順。不過，自拍驗證只得眨眼一個步驟，似乎兒戲咗啲，究竟係咪過到金管局嗰關都仲係未知數。
大家平日或者無留意，香港銀行嘅賬戶號碼一般係8位數，中銀係其中之一；滙豐、恒生就係9位數，計埋銀行代號（bank code），一般都係11或12位數，視乎銀行核心系統而定。
有趣嘅係，有別於本港嘅其他大銀行，螞蟻銀行賬戶號碼竟然由16位數字組成，模式和內地銀行睇齊，嘿，仲唔係想同大陸接軌？
內地金融創新發展跑喺前面，阿里系搞虛銀有將近五年經驗，旗下網商銀行（MY Bank）更是內地首批試點民營銀行，客戶以小微企、農村個人客戶為主。
直接將內地優秀的一套，引入香港市場應用，夫人擔心會水土不服咋。據聞有星資行網上轉賬的系統，講明只能輸入不多於12位數字的賬戶號碼，嗱，never say never，大家配合吓啦。
或者你會話，以前轉賬就要入賬戶號碼啫，而家登記咗轉數快（FPS）咪乜問題都迎刃而解，係呀，無錯，不過，螞蟻銀行個APP暫時未提供FPS服務嘅，今日無，唔等於將來無，無所謂的，等吓囉！
有看透世事嘅花生友話，國際大行如滙豐的賬戶號碼都只係9位數，螞蟻銀行賬戶號碼多達16位數，可能預示潛在客戶數目，又或者係應付人口膨脹。
不過，金管局要求虛銀初期聚焦香港市場，換句話講，就係專心一意服務好香港人。要放眼香港以外的大灣區市場，似乎真係next next step。
直接將內地優秀的一套，引入香港市場應用，夫人擔心會水土不服咋。據聞有星資行網上轉賬的系統，講明只能輸入不多於12位數字的賬戶號碼，嗱，never say never，大家配合吓啦。
或者你會話，以前轉賬就要入賬戶號碼啫，而家登記咗轉數快（FPS）咪乜問題都迎刃而解，係呀，無錯，不過，螞蟻銀行個APP暫時未提供FPS服務嘅，今日無，唔等於將來無，無所謂的，等吓囉！
有看透世事嘅花生友話，國際大行如滙豐的賬戶號碼都只係9位數，螞蟻銀行賬戶號碼多達16位數，可能預示潛在客戶數目，又或者係應付人口膨脹。
不過，金管局要求虛銀初期聚焦香港市場，換句話講，就係專心一意服務好香港人。要放眼香港以外的大灣區市場，似乎真係next next step。
杜夫人
-----------------------------
-----------------------------