投資銀行收入銳減，Banker今年花紅凍過水。《金融時報》引述消息人士指，瑞信花紅池今年縮水三成。去年7月接任德銀聯合主席JohnCryan就話去年第三季62億歐元虧損，今年考慮花紅派幾多都要睇吓盤數。

不過，經驗少過10年嘅Banker唔駛太擔心，有高級銀行界職員透露歐美投行界嘅初級員工花紅，今年最少升一成。喺外國初級Banker流失率大，投行對新世代吸引力下降，多數人寧願加入科網企業或者基金公司，搞到年資5至7年嘅Banker喺歐美投行界非常渴市。

美國投行高盛、花旗、美銀美林、摩根大通及摩根士丹利近年派發花紅相約，但歐洲投行例如巴克萊、瑞銀、瑞信同德銀等，受收入持續下跌影響，派發花紅已回到金融海嘯前水平。

掌握財經生活資訊，即Like「蘋果ATM」fb專頁啦！
http://fb.com/appledailyatm