果迷注意！香港蘋果疑為封殺炒家，昨日更改購買政策，所在香港或澳門蘋果零售店(Apple Retail Store)買的Apple及Beats產品，都不再享14天內無條件退貨或換貨的保障，但中國的蘋果官網有關退貨保障則仍然保留。

不少用家都批評有關措施，港人冼小姐今日專誠到銅鑼灣Apple Store購買iPad mini 4送給胞弟作開學之用，當她付款後未有作詳細檢查便打算離開，但職員即時提醒，若貨品出門後便不可退換。冼小姐才驚覺以往的14天退貨保障已取消，她無奈即場拆盒，花了不少時間檢查新機。冼小姐批評有關措施雖能杜絕炒風，但對一般用家不公平，「覺得好唔方便，返屋企touch wood突然間有啲嘢用唔到返番嚟換，(退貨保障)當做保養，平時可以成部換」。

另一用家王先生，由記者口中才得知蘋果更改購買政策，他亦批評做法「唔係好啱」，「如果另一市場有而香港冇，對公司形象有影響」，不過，王先生過往未曾試過退貨，認為「鍾意先會買，未試過唔啱心水」。

許小姐則認為，有關購買政策改動對她影響不大，「一般睇啱先買，如果唔係質量問題，唔會話買咗唔要退款。」

想睇最新消息？　即時follow【現場－蘋果突發】 fb！ http://fb.com/applecitycrime