俊和20億闖泰國
中環在線：懶理胡應湘當年蝕鑊甘 - 李華華
蘋果日報 2008/12/16 00:00
泰國政局立立亂，𠵱家特區問責高官聞泰色變，不過咁都仲未有嚇怕本港上市公司到當地掘金，最新一單係成立咗40年嘅老牌建築公司俊和發展（711），旗下泰國合資企業啱啱攞到曼谷鐵路紅線其中一段鐵路嘅建築合約，全長15.26公里，埋單盛惠兩億五美金（約19.5億港銀）。
合和97年撇賬54億
講起到泰國投資，確係為唔少上市公司帶來永不磨滅嘅傷痕，若果要數到十級創傷，最經典嘅例子，莫過於合和實業（054）97年為曼谷高架鐵路連公路工程撇賬54億港紙。
話說合和喺90年代初，攞咗呢個價值40億美金嘅大project，點知當地政府遲遲都收唔到地，搞到工程延誤，咁啱又撞正亞洲金融風暴，令泰銖大幅貶值，項目爛尾收場，滿腔熱血嘅合和就壯士斷臂，之後主席胡應湘開始韜光養晦，逐漸退居幕後。
講番今次俊和有份參與嘅曼谷紅線項目，係屬於泰國鐵路擴展計劃嘅一部份，亦係泰國政府大型國家公共建設計劃案嘅5項鐵路工程當中，最大型嘅基建項目。俊和勇者無懼，拉埋泰國一家上市公司齊齊合作，前前後後為項目合約同埋技術計劃籌備咗兩年，仲搵埋日本銀行呢條水喉射住，預計工程明年初開始，估計工期長達36個月。
話說合和喺90年代初，攞咗呢個價值40億美金嘅大project，點知當地政府遲遲都收唔到地，搞到工程延誤，咁啱又撞正亞洲金融風暴，令泰銖大幅貶值，項目爛尾收場，滿腔熱血嘅合和就壯士斷臂，之後主席胡應湘開始韜光養晦，逐漸退居幕後。
講番今次俊和有份參與嘅曼谷紅線項目，係屬於泰國鐵路擴展計劃嘅一部份，亦係泰國政府大型國家公共建設計劃案嘅5項鐵路工程當中，最大型嘅基建項目。俊和勇者無懼，拉埋泰國一家上市公司齊齊合作，前前後後為項目合約同埋技術計劃籌備咗兩年，仲搵埋日本銀行呢條水喉射住，預計工程明年初開始，估計工期長達36個月。
俊和主席彭錦俊：我哋準備十足冇有怕。
（設計對白）
（設計對白）
新總理上台政局變