【全心工作】安德尊過咗適婚期 長年單身唔介意被誤會轉「基」
安德尊
安德尊(大王)今晚到新城接受倪詩蓓電台節目訪問,他透露30年前初入行已認識對方:「佢嗰陣經紅到不得了,好耐冇見都冇變過,見返好開心。」大王笑言會於節目中「考」倪詩蓓:「嗰時見佢同哥哥(張國榮)拍拖,我想問佢如果當時真係同哥哥結咗婚,估吓而家會點。」
至於他自己可有準備爆料?大王即表示冇特別事要爆,記者提到他談感情狀況,大王說:「冇啦,過咗要拍拖、要結婚嘅日子,人生唔同階段會遇到唔同嘅嘢。好難㗎,我哋日日做嘢,好似隻牛咁。」問他會否擔心被誤會是同性戀?大王笑言冇所謂。
他認為初入行時很艱難,現時輕鬆得多:「見到好多前人幾叻都好,晚年唔係好開心,我想人人都開心。」提到現時社會氣氛充斥不快樂,大王只表示「最緊要自己保持開心」。
至於演藝人協會早前發放抗疫基金,大王表示自己冇需要申請:「留畀有需要嘅人,會長(古天樂)有咁嘅安排相當唔錯。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新