自從宣佈參加民主派九龍西初選以來，戀棧權力、永續參選的批評一直衝著馮檢基而來，「如果戀棧個位，就唔會2012年離開九西......如果留喺九西，粗俗啲講，真係印印腳都可以繼續做落去、甚至真係永續」，馮反駁「戀棧」指控或是選舉策略，諷他爭奪「政壇關愛座」亦不合邏輯，「唔出選叫人讓畀我先叫關愛座」。初選敗於姚松炎的他成為Plan B備受爭議，勸棄選之聲不絕，馮今天召開記者會交代。

記者：許偉賢

由1991年立法局選舉到2018年立法會補選，64歲的馮檢基從未缺席，爭逐雄心換來批評，老將說到這裡氣難平，馮於上周三（17日）接受《蘋果》訪問，指08年選舉結果可見他只靠深水埗一區亦能勝出，若留守九西定必能連任甚至永續：「點解一個可以永續嘅位，馮檢基唔做，（2012年）要走咗去選『超級』（區議會二）呢？到2016年唔可以選『超級』嘞，最戀棧嘅方法咪返去九西囉，點解我嫌舒服得滯呀、走去新西（直選）？因為都係覺得九西係民協有機會贏，但接唔到班都冇辦法；如果無心畀人接班嘅話，我一定坐定定。」

但轉戰新西客觀效果確是令民主派分票下失去一席，這明顯是不少反馮市民著眼點，認為他應退下火線；馮坦言轉戰新西策略是否有問題，可作探討，但當時目標是為民主派爭取最多議席，今次參與初選理念亦相同，認為要在短時間內覓民主派出戰並不容易，因選民要認識其理念及政綱，「最快最簡單直接就係馮檢基」，反駁指：「話我戀棧？有啲人可能係想激我，有啲對手想寫到我係咁嘅人，將來同你選時咪贏囉，可能係一啲選舉部署都未定。」

坐在老巢據點之一的大坑東邨公園，馮亦回應網上瘋談的「政壇關愛座」，直指不合邏輯，「我參加初選點解係關愛座？唔出選讓畀我先叫關愛座喎，其實應該叫啲後生仔學習馮檢基，佢（馮）去挑戰人、去參選，唔係自己唔選叫啲人讓個位畀佢喎。」他反批評叫他讓位之說：「一個後生仔點解要叫資深嘅人讓？如果你連佢都贏唔到，點贏對手呀？同埋唔應該講讓唔讓，堯舜時代先至讓位，呢個時代講競爭㗎嘛！」

馮強調議會需要資深議員，「有啲資歷先至搵到政府一啲問題所在」；身為替補人選卻惹爭議，馮直指尊重民主派的初選機制，但現時非談論替補的時候，「唔該講返呢啲時間點幫姚松炎助選」，「如果跌入呢啲爭拗，就係中咗人哋嘅分化計」。

他重申這次九西初選，地頭蟲敗於空降者，或因市民對DQ反感，「政府踢佢出來，我就摑返你一巴」，又指姚的支持者投票動力較其支持者大，「有啲街坊畀埋車佢都唔想去投」，同時指網上針對他的「抹黑」，如暗示他進行「蛇齋餅糉」拉票等，也對其選情有影響。