每當阿鳳與未婚夫吵得臉紅耳赤、互不退讓之際，總會有一個人誠惶誠恐的走出來認錯，那就是年僅五歲的兒子超仔。「佢見親我哋鬧交，就以為係自己曳，猛咁講：『唔好嘈，當我錯啦。』我真係驚再咁樣落去，會影響細路仔嘅心理。」阿鳳歎道。訪問期間，阿鳳亦要支開一對子女，以免影響他們的情緒。
未婚夫生意失敗
阿鳳多年前在工作地方結識未婚夫阿成，並為他誕下一子一女，現年分別五歲及兩歲半。另外，阿成與前妻育有一名患有肌肉萎縮症的十歲兒子康仔，離婚後康仔交由阿成照顧，一家五口關係雖然複雜，但卻十分融洽，阿鳳更將康仔視如己出。
阿鳳表示，她與阿成原本均有工作，子女則託人照顧，惟約三年前阿成生意失敗，經濟亮起紅燈，由於兩人並非正式夫婦，所住公屋並無她與一對子女的戶籍，故此只有阿成與康仔合資格領取綜援。而她在誕下孻女後，一度外出工作掙錢，現已失業將近一年，一家五口只靠阿成父子一份綜援金維生。
「成日為錢嘈交」
「自從屋企經濟唔好，我哋成日為個錢字嘈交，嘈到感情都冇晒，我之所以忍咗咁耐唔搬，只係唔想康仔冇人照顧。」阿鳳表示，康仔於寄宿學校就讀小二，每逢周末返家度宿，惟因康仔四肢癱瘓，加上體重達八十磅，日常生活都要她與阿成合力照顧。阿鳳更因長期扶抱康仔，致令腰背及頸椎出現勞損，現要接受物理治療。
「我已經決定搬走，每逢星期六先返嚟照顧康仔，佢都好明白事理。我𠵱家屋都搵埋，不過只係畀咗五百蚊按金，其他雜費都攞唔出。」阿鳳幽幽地說。其個案由基督教家庭服務中心轉介予本報跟進。