樂隊Dear Jane今日到中環海濱出席戶外演出活動，整日天氣忽晴忽陰，4人在悶熱天氣下唱到滿頭大汗，他們受訪時表示幸好沒有落雨：「雖然熱，但氣氛好正，band show喺戶外先係最好，如果我哋可以有機會開個戶外騷就好啦，不過最好冬天搞。」現場有人造沙灘，但主音黃天翱（Tim）笑言今日打扮不襯沙灘look：「我哋用汗係用嚟襯沙灘。」

Dear Jane四子稱平日愛去沙灘，講到外國有天體沙灘，問到可會想見識？在美國長大的Tim表示：「其實我以前屋企附近有個，但冇去過，有機會都想去望吓。」可會帶同老婆楊洛婷一起？他笑說：「係囉，見識吓，我估啲人唔怕醜嘅，大家都係人，有咩未見過。」旁邊的結他手翁厚樑（Howie）就笑言：「我都有少少想見識吓。」更提出樂隊可考慮到天體沙灘開騷：「如果我哋開騷又會點呢？台上台下一齊玩應該幾開心。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9