【迎接新開始】紫盈BB日本旅行減壓：瀑布讓人心境平靜，我認同。
蘋果日報 2013/11/13 06:00
黃紫盈
黃紫盈轉戰公關界之前，先去日本減一減壓。(facebook圖片)- 紫盈BB喺無綫嘅lastday相片。(facebook圖片)
- 瀑布令人心境平靜，紫盈BB話佢認同。(facebook圖片)
- 紫盈BB話感受到橋面不斷搖擺。(facebook圖片)
- 貼呢張相時，紫盈BB呼籲香港嘅朋友要小心天氣轉涼。(facebook圖片)
- 美景與靚人。(facebook圖片)
- 紫盈BB食完個早餐。就去再出發。(facebook圖片)
- 好嘆呀﹗(facebook圖片)
前無綫新聞女主播「淚的小花」黃紫盈，早前離開咗無綫，有指佢嚟緊會轉戰公關界，喺lastday當日紫盈BB喺facebook，貼咗張喺無綫最後嘅相：「有緣再會。」
有指紫盈BB喺無綫新聞部好大壓力，加上爆出連串是非，除咗曾「被放大假」外，又調咗去報夜間新聞，期間佢仲燙咗一頭曲髮報新聞添。
0依家紫盈BB離開咗無綫，壓力自然減少啦，但紫盈BB喺返新工之前，就先去日本旅行減下壓，去親親大自然。近日紫盈BB喺facebook狂貼相，同粉絲分享下當地靚人美景，紫盈BB好似介紹緊日本風情畫咁，佢去咗被列為日本三大秘境之一「祖谷」，期間又去著名旅遊景點日本三大奇橋之一「蔓橋」，該景點獨特之處，係主要以軟棗獼猴桃樹編織而成。之後佢坐纜車去浸溫泉（當然冇浸泉相啦﹗），噚日就去欣賞琵琶瀑布，仲弦外之音話： 「人家說瀑布讓人心境平靜。我認同。」
至今晨，紫盈BB再貼相，佢話：「看着深山泡個溫泉，吃個早餐再精神出發。」
相中紫盈BB笑得好開心，睇嚟當日喺無綫嘅壓力，都因為今次旅程一掃而空啦，相信紫盈BB去完旅行後，就迎接全新挑戰咯﹗
有指紫盈BB喺無綫新聞部好大壓力，加上爆出連串是非，除咗曾「被放大假」外，又調咗去報夜間新聞，期間佢仲燙咗一頭曲髮報新聞添。
0依家紫盈BB離開咗無綫，壓力自然減少啦，但紫盈BB喺返新工之前，就先去日本旅行減下壓，去親親大自然。近日紫盈BB喺facebook狂貼相，同粉絲分享下當地靚人美景，紫盈BB好似介紹緊日本風情畫咁，佢去咗被列為日本三大秘境之一「祖谷」，期間又去著名旅遊景點日本三大奇橋之一「蔓橋」，該景點獨特之處，係主要以軟棗獼猴桃樹編織而成。之後佢坐纜車去浸溫泉（當然冇浸泉相啦﹗），噚日就去欣賞琵琶瀑布，仲弦外之音話： 「人家說瀑布讓人心境平靜。我認同。」
至今晨，紫盈BB再貼相，佢話：「看着深山泡個溫泉，吃個早餐再精神出發。」
相中紫盈BB笑得好開心，睇嚟當日喺無綫嘅壓力，都因為今次旅程一掃而空啦，相信紫盈BB去完旅行後，就迎接全新挑戰咯﹗