吳卓羲、石修、駱應鈞同導演邱禮濤今日喺奧海城為電影《拆彈專家》進行謝票，雖然劉德華仍然無法親到現場，但佢有拍片力撐，呼籲大家齊齊支持，在場有觀眾大讚好睇過荷里活片。

對於上映不足3日，票房已達450萬，問到點樣慶祝？邱禮濤表示：「未諗，我o依家戰戰兢兢，仲未平伏。」問到會唔會向華仔報捷？邱禮濤話：「拍戲都係想多人睇，我同華仔都30年，好又經歷過，唔好又經歷過，所以我哋WhatsApp都好causal，並唔係話幾時慶祝，比較平和，冇辦法啦，呢個係30年嘅洗禮。」叫華仔請去旅行？卓羲即刻話：「最緊要係快啲康復。」問到卓羲覺唔覺得自己好腳頭？佢好謙虛咁話：「唔係，今次拍到華哥、導演同咁高質素嘅演員，係一件好感恩嘅事。」

講到喺呢部戲facebook專頁中，佢哋將負評cap出嚟，直指對方係打手，不過石修覺得任何評語同任何反應，佢哋都會有接受，佢話：「作為演員，我睇唔到唔吸引嘅方，我用欣賞角度睇呢部戲嘅製作同用心。」石修更大讚華仔好關心劇組各人，每日都喺現場，仲會請食下午茶同宵夜。問到邱禮濤點拆解被網民鬧？佢話：「我拍咗咁多年戲，實有讚有彈，不論彈同讚我都接受，你肯睇我部戲，我已經萬二分感謝。」

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw