何超鳳、朱凱婷、李嘉慧及邢嘉倩等人今日喺金鐘出席芭蕾舞慈善午宴，同男友Lloyd育有一女的邢嘉倩穿上全黑衫裙，見到佢個肚凸起，記者上前恭喜佢再做媽媽，佢即時甜笑講多謝，仲認啱啱懷孕3個幾月，但就冇透露係仔或定女:「冇咁快知，我亦都唔想咁快知道，想有驚喜。」佢同Lloyd對BB性別都冇所謂，但再有BB都好興奮:「都會，但都會比較攰。」佢暫時冇刻意添BB用品，主要用番大女嘅舊物品。

另外，朱凱婷推掉工作同老公捧囡囡場，欣賞囡囡表演，佢話:「阿女歲幾開始學芭蕾舞，佢已經第2年參加呢個表演，佢會拎住啲片睇番以前演出，好有滿足感。」女兒冇話將來要做芭蕾舞表演者，而朱凱婷都畀囡囡自由發展，見到女兒表演自己會好感動，平時如果女兒有學校活動，會刻意推工作陪女。

更多娛聞，喺晒《娛果》
http://fb.com/appledailyent