灣仔稅務大樓早前發現女屍單案至今未破,嚇到樓上樓下以至喺附近入境事務大樓嘅女士都膽戰心驚。八方日前撞到水務署署長高贊覺,佢話好彩當初佢堅持要搞好出入辦公室嘅保安系統,𠵱家啲同事都讚佢高明咁話。
原來水務署嘅辦公室位於入境事務大樓四十八樓,早前都覺得佢哋間大樓太多閒雜人等出出入入,唔係幾安全,於是就決定要認證件,雖然好多女士都話刷卡唔方便,但係高署長就力排眾議,要每人喺門口刷一刷張卡先可以出入。
女士嘅意見當然係反映事實,因為佢哋實在係太多卡,好唔方便,但係凡事都係比較嘅啫,邊個諗到會發生女屍案?自此之後,大家都讚署長好嘢,有先見之明。
傳真︰2623-9278
電郵︰
[email protected]