【搏殺動靜】作戰前夕突然入倉!馬主睇完愛駒笑晒口
文家良楊明綸李卓然入倉紅麗舍
話說剛周二(11日)早上沙田馬場有大量試閘進行,當時有不少馬主亮相,其中之一是「紅麗舍」馬主李卓然。佢當時話係嚟睇老友啲馬試閘,其間曾與練馬師文家良好好傾。
試完閘之後,李卓然就由文家良馬房副練葉永恒帶入倉探望「紅麗舍」,此駒將於今晚(12日)角逐谷中第五場四班1800米。
李卓然當時睇完馬離開時笑容滿面,他指愛駒狀態夠勇,非常滿意牠的進度,而自己當時入倉旨在鼓勵一下「紅麗舍」,希望隻馬可以心情愉快,落場會有好成績。
「紅麗舍」近兩仗出爭田草1800米分獲亞、季軍,所負不多,已站在勝利邊緣。今次轉跑谷草1800米,李卓然話是因谷草對手比田草弱,希望馬兒可有突破。
加上好好彩抽到1檔起步,形勢唔錯,李卓然話自己到時一定會入場為「紅麗舍」打氣,並對楊明綸發揮有信心。