P圖事件中疑似打壓學生的中華傳道會李賢堯紀念中學，自一年前「反送中運動」展開以來鮮有被指控打壓學生，多位學生皆讚賞學校平日尊重學生意見，一年來亦不曾打壓學生日常抗爭活動。學校更曾被何君堯及梁美芬點名批評容許學生罷課，校長鄧錦明亦有參與去年6月的《全港校長呼籲港府立即擱置修訂逃犯條例聯署》。故今次畢業照P圖的做法一反平日開明常態，令人關注會否是校方有人懼怕教育局秋後算賬，才要求攝影師P圖「消滅」五一手勢。事實上，被改圖的學生雖然對「被P圖」感到不忿，但仍願意為學校護航，因相信學校P圖之舉實屬無可奈何，感嘆言論自由在香港正逐漸消失，「好似啲我哋本身有嘅嘢俾人逐漸攞走咗，而我哋都無能為力。」

黃同學（化名）在班相及級相均被P走「五一」手勢，她坦言感到不忿：「都最後一年，點解唔可以畀我哋留念？」但指學校一直尊重學生意見，自運動以來，學生在校園裏舉行的政治活動，如在連儂牆張貼訴求，在早會叫喊口號甚至罷課，老師及校長均未有阻止，校長亦在何君堯點名批評罷課時竭盡所能保護學生。所以他會選擇原諒學校：「因為我哋都知道學校係錫我哋，想保護學校，始終呢張相有機會擺上校網，如果張無P嘅相公開咗，可能會有家長甚至教育局找學校麻煩……我唔想學校再俾何君堯呢啲人騷擾。」

黃同學亦感嘆現時社會竟連相片中的一個手勢都容不下，「我真係覺得好荒謬，講就講話有言論自由，但少少嘢都要咁敏感！」所以縱使心有不甘，亦無奈接受：「我知道自己表達過咪得囉！一張相又唔可以代表晒我哋做過嘅所有嘢！」

同樣被P走手勢的林同學（化名）指學校已經遠比其他學校好：「起碼會畀我哋講嘢，畀我哋發聲囉！」據他所知，同區內有其他學校禁止一切校內有關政治的活動，嚴打反修例活動，「有啲學校啲老師甚至話報警！」所以他亦十分擔心《國安法》通過後老師的前景：「都好擔心，其實大部份老師都（好危險），雖然佢哋唔會講，但係我覺得佢會舐舐哋嘢囉，因為我哋學校容許整連儂牆嗰啲嘢。」

立法會議員葉建源則認為，現時教育局帶頭製造白色恐怖，特別重視學校有關政治的投訴，甚至會向被投訴的學校及老師發警告信，他形容處理方法太過份：「如果能夠好客觀去睇呢啲投訴，（會發現）其實好多都係小事嚟。」但亦因此令許多學校會因為怕惹麻煩而自我審查，「有啲敏感嘅議題喺教學時出現，老師可能會避重就輕啦，或者直頭唔教。」他認為此風氣的出現對教育界有很大的負面影響：「喺教學上其實唔應該有恐懼㗎，我哋教書嘅時候，老師同同學應該都可以愉快地各抒己見。」指長遠來說，將會令香港教育因審查變得越來越貧乏，「呢個當然我哋就絕對唔想啦，但似乎政府就想要見到大家都係喺恐懼之中從事教育。」

反修例示威由去年六月至今，一年內已有超過3,600名學生被捕，佔被捕總人數4成。學界反修例聲音不斷，政府對學界的打壓亦從未停止，教育局局長楊潤雄近日即多次高調表明未來將會大力打壓師生在校園裏表達政見，又指學生在學校表達反政府意見應被處分。新入職教師亦須接受國情教育培訓及嚴禁罷工罷課，說法引起各界譁然，多個教育團體亦表明反對。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568